Ссылки доступа

Додгоҳи Аврупо баргардонии иҷбории Ҷумадурдиевро ба Туркманистон манъ кард


Иллюстративное фото 

Додгоҳи аврупоӣ дар умури ҳуқуқи инсон рӯзи 11 октябр мақомоти Русияро огоҳ кард, ки Аҳмад Ҷумадурдиев, шаҳрванди 26-солаи Туркманистон набояд, то анҷоми мурофиаҳои додгоҳӣ иҷборан ба Туркманистон фиристода шавад.

Дар ин бора рӯзи 11 октябр Маркази ҳомии ҳуқуқи "Мемориал" хабар дод.

Ҷумадурдиев ҳангоми убури ғайриқонунии марзи Русия боздошт шуд. Вай мехост, аз Русия ба Эстония фирор кунад. Мақомоти Русия вуруд ва ҳузури ӯро то соли 2055 манъ карданд.

Ҷумадурдиевро дар Туркманистон бо айби "тундгароӣ" дар пайгард қарор додаанд.

Ин шаҳрванди Туркманистон дар Донишкадаи техникиву гуманитарии Ивангород таҳсил мекард. Соли 2017 ӯро дар фурудгоҳи шаҳри Санкт-Петербурги Русия боздошт карданд. Ҷумадурдиев 1 сол баъд аз боздошт раҳо шуд.

Вай аз Русия ва Эстония дархости паноҳандагӣ карда буд. Русия дархости ӯро рад кард.

Ҷумадурдиев рӯзи 26 июли соли ҷорӣ ҳангоми убури ғайриқонунии марзи Русия бо Эстония боздошт шуд. Марзбонони Эстонию ӯро дубора ба Русия ирсол карданд.

XS
SM
MD
LG