Ин маблағ аз пуле, ки қаблан ҷудо шуда буд, $42,5 миллион бештар аст.
Ба иттилои расонаҳои маҳаллӣ, миёни шаҳрдории Тошканд, ки фармоишгари бинои Маркази тамаддуни исломӣ дар ноҳияи Олмазори Узбекистон аст, ва ширкати "Трест-12" қарордоди нав имзо шудааст.
Саҳомони асосии ширкати бинокори "Трест-12" ҳамсар ва писари вазири сохтмони Узбекистон ҳастанд.
Сохтмони бинои нав ва маҷмааи илмии Маркази тамаддуни исломӣ бо қарори президенти Узбекистон моҳи декабри соли 2017 шуруъ шуда буд.
Ширкати "Трест-12" биноҳои девони вазирон, дастгоҳи сенат, вазорати молия, Донишкадаи рушди менеҷменти Сингапур, варзишгоҳи "Бунёдкор", маҷмааи "Боғи Ғалаба"-ро дар Узбекистон бозсозӣ кардааст. Бино ба хабарҳо, ин ширкат ҷамъан беш аз 225 лоиҳаро ба маблағи триллион сӯм иҷро намудааст.