Ссылки доступа

Кобулда бир оиладан етим қолган саккиз бола очликдан вафот этди


Ғарбий Кобулда саккизта етим очликдан ўлди, деди Афғонистондаги этник ҳазораларнинг сиёсий раҳбари ва шу мамлакатнинг собиқ депутати Муҳаммад Моҳакик, 24 октябрь куни ўзининг Фейсбук саҳифасида.

Моҳакикнинг сўзларига кўра, уларнинг жасадлари бир неча ҳафта олдин Кобулнинг 13 туманидаги ҳудудда топилган. Унинг сўзларига кўра, уларни маҳаллий мулла ва шу ҳудуд аҳолиси дафн этишган.

Мулла Муҳаммад Али Бомиёни бу болаларнинг ўлими ҳақида хабар беришича, уларнинг энг каттаси тахминан саккиз ёшда, энг кичиги эса бир ярим ёшда бўлган. «Бу оиладан ҳеч ким қолмади. Болаларнинг ота-онаси ҳам вафот этган ва уларнинг яқин қариндошлари бўлмаган», — деди Бомиёни.

Бомиёнининг айтишича, у болалар жасади топилган уйга ташриф буюрган.

Толибон бошчилигидаги Афғонистон ҳукумати ҳозирча бу болаларнинг ўлимига изоҳ бермади.

Бирлашган Миллатлар Ташкилоти илгари Афғонистонга тез орада гуманитар ёрдам кўрсатилмаса, катта гуманитар инқирозга, шу жумладан катта очарчиликка дуч келиши мумкинлиги ҳақида огоҳлантирганди.

XS
SM
MD
LG