Ссылки доступа

Кушиши табаддулоти низомӣ дар Судон. Сарвазирро боздошт карданд


Хабаргузориҳои арабӣ ва ғарбӣ иттилоъ медиҳанд, ки дар Судон кушиши табаддулоти низомӣ ҷараён дорад.

Хабарнигорони расонаҳои арабӣ ва ғарбӣ аз шаҳри Хартум иттилоъ додаанд, ки низомиён як қатор сиёсатмадорон, аз ҷумла раисони вилоятҳо, вазирон ва сарвазир Абдуллоҳ Ҳамдукро дастгир карданд.

Ҳамчунин низомиён ба коргоҳи телевизиони давлатии Судон дар шаҳри Умдурмон ҳамла карда, дар кӯчаву хиёбонҳо шумори зиёди афроди низомӣ ва техникаҳои ҳарбӣ мушоҳида мешавад.

Аз номи сарвазири Судон изҳороте нашр шудааст, ки ҷонибдорони демократияро барои муқобала бо кушиши табаддулоти низомӣ дар ин кишвар аз роҳи осоишта даъват мекунад.

Низомиёни Судон то ҳол дар ин бора чизе нагуфтаанд ва изҳороти расмиеро низ нашр накардаанд.

Намояндаи Департаменти давлатии ИМА бо нашри изҳороте кушиши табаддулоти низомӣ дар Судонро маҳкум карда, гуфтааст, ин амал метавонад боиси қатъи кумакҳои Вашингтон ба Хартум бишавад.

XS
SM
MD
LG