Ссылки доступа

Бішкекте кафеде жаппай уланудан кейін қоғамдық асханалардың бәрі тексеріледі


Бішкектегі кафедердің бірінде адамдардың жаппай улануына байланысты Мемлекеттік санитарлық-эпидемиологиялық бақылау орталығы елдің барлық аймағындағы қоғамдық тамақтану орындарын тексеретінін мәлімдеді.

Денсаулық сақтау министрлігі таратқан ақпаратқа сәйкес, 2018 жылы кәсіпкерлік субъектілерді тексеруге уақытша тыйым салынған бұйрығына өзгертулер енгізіледі. Оған сәйкес, қоғамдық тамақтану орындарын тексеруге салынған мораторий алынып тасталады.

23-24 қазанда Теміржол ауруханасының жұқпалы аурулар бөліміне тамақтан уланып, 12 адам түскен. Қазір олардың саны 120-ға жеткен. Арасында 14 бала бар. Олардың бәрі "Империя пицца" кафесінен суши-ролл жегенін айтқан.

Қазір бұл кафе желісінің бәрі уақытша жабылған.

XS
SM
MD
LG