Ссылки доступа

Тожикистонда аҳолининг истеъмол кредитларига талаби ортиб бормоқда (видео)


В одном из банков Таджикистана

Тожикистонда аҳолининг кредитга бўлган талаби ортиб бормоқда, бироқ аҳоли уларни ўрта ва йирик бизнесни ривожлантириш учун эмас, асосан озиқ-овқат, мебель сотиб олиш ёки меҳнат миграцияси учун Россияга авиачипта олиш учун олади.

Тожикистон Миллий банки маълумотларига кўра, сўнгги бир йил ичида мамлакат молия институтлари томонидан истеъмол кредитлари бериш 80 фоизга ошган. Иқтисодчиларнинг фикрича, бу аҳоли жамғармалари тугаб қолганининг ишончли кўрсаткичидир.

Душанбелик Шерафган Шералиев мобил телефон сотиб олиш учун «Алиф банк»дан кредит олмоқчи. «Кредит олиш қийин эмас. Кейин ҳар ой оз миқдорда тўлашингиз керак бўлади “, дейди у.

Истеъмол кредитини олиш учун сизга унчалик кўп ҳужжатлар керак эмас ва кўпинча гаров сифатида машина ёки уй қолдиришингиз ҳам шарт эмас. Аммо баъзи фуқаролар банк кредитлари бўйича фоизларни юқори деб ҳисоблашади. Шу билан бирга, айрим банклар вакиллари кредитлар ва улар бўйича фоизлар тўланмаслигидан хавотирда.

В Таджикистане растет спрос на потребительские кредиты
пожалуйста, подождите

No media source currently available

0:00 0:02:36 0:00

Германиянинг Raiffeisen Bank International банки томонидан тўрт йил аввал тайёрланган ҳужжатда айтилишича, мижозларнинг 50 фоизга яқини кредитларини ўз вақтида тўлай олмай қолган.

Айни пайтда Тожикистондаги аксарият банклар истеъмол кредитларини таклиф қилмоқда. «Алиф банк» ходими Жаҳонгир Забировнинг айтишича, аҳоли асосан уй-рўзғор буюмлари, гаджетлар ва маиший техника сотиб олиш учун кредит олади.

Унинг сўзларига кўра, ўтган йили COVID-19 тарқалиши ва иш ўринларининг йўқолиши сабабли бундай кредитларга талаб ортган. «Ўтган йилга нисбатан ҳозирда коронавирус тарқалиши билан боғлиқ вазият озми-кўпми барқарорлашган. Ўтган йили қийин бўлди. Аҳоли даромадлари билан боғлиқ муаммоларга дуч келди. Дўконлар ёпилди. Товарларни олиб кириш қийин бўлди. Буларнинг барчаси одамларнинг харид қобилиятига таъсир қилди, — деди Забиров.

Айни пайтда тожик иқтисодчилари Тожикистонда истеъмол кредитларига талаб ортиб бораётганидан хавотирда. Иқтисодчи Ҳожимуҳаммад Умаровнинг фикрича, бу аҳоли ўртасида жамғарма йўқлигидан далолат беради.

«Тожикистон резидентлари умумий даромадининг 23 фоизини меҳнат муҳожирларининг пул ўтказмалари ташкил этади. Бу аввалги йилларга нисбатан анча паст. Табиийки, аҳолининг даромадлари ҳам қисқарди. Сабаби аниқ – иқтисодий инқироз, Россияга қарши санкциялар, коронавирус пандемияси ва бошқа сабаблар», — дея тушунтирди у.

Тожикистондаги ҳар тўртинчи оиланинг фаровонлиги Россиядан келаётган пул жўнатмаларига боғлиқ. Тожикистон Миллий банкининг хабар беришича, ўтган йили мигрантлар пул ўтказмаларини 6,3 фоизга кам жўнатган.

Россия Марказий банкининг хабар беришича, жорий йилнинг биринчи олти ойида тожикистонликлар уйларига 752 миллион доллардан ортиқ пул жўнатган.

XS
SM
MD
LG