Давлат департаментининг маълум қилишича, ўзларини аёл ёки эркак деб ҳисоблашни истамаган одамлар паспортида ўз жинсини "X" деб кўрсатиши мумкин.
Давлат департаменти “ўз жинсини "X" сифатида кўрсатишни истаган ҳар бир фуқарога 2022 йилнинг бошидан бошлаб шундай паспортлар берила бошланишини” маълум қилди. Айни пайтда бунинг учун паспорт бериш тизимига зарур бўлган ўзгартишлар киритилмоқда.
Бундан ташқари Давлат департаменти паспорт олаётган шахсларга ўз жинсини ўз хоҳишига кўра ёздириш ҳуқуқини беради. Яъни бундан буён ўзини эркак деб ёздирмоқчи бўлган аёл ёки жинсини аёл сифатида кўрсатмоқчи бўлган эркакдан мазкур жинсга мансублиги тўғрисида тиббий маълумотнома талаб қилинмайди.
АҚШдан аввал камида 10 давлат, жумладан, Аргентина, Австралия, Канада, Германия ва Ҳиндистон фуқароларга ўз жинсини ўзи аниқлаш ҳуқуқини берган эди.