Намойишлар Глазгодаги халқаро конференция билан бир вақтда, жаҳон етакчилари глобал исишга қарши кураш бўйича кейинги қадамларни муҳокама қилмаётган вақтга тўғри келди.
Ўнлаб давлатлар раҳбарлари, жумладан, АҚШ президенти Жо Байден иштирок этган конференцияда энергетика соҳасида кўмирдан босқичма-босқич воз кечиш, 21 асрнинг ўрталарига келиб углерод нейтраллигига эришиш,ўрмонларнинг йўқолишини тўхтатиш ва бошқа ваъдалар аллақачон берилган эди. Бироқ, эко-фаоллар бу ваъдаларни, ҳаммаси ҳам мажбурий ва етарли эмас деб ҳисоблайди.
Глазгода намойиш жума куни бўлиб ўтди. Унда швециялик таниқли эколог Грета Тунберг иштирок этди, у «жаҳон шимоли», яъни бой ривожланган мамлакатлар раҳбарларини аслида иқлим ўзгаришига қарши ҳақиқий курашдан қочишга уринаётганликда айблади. У иссиқхона газлари чиқиндиларини камайтириш учун кескин чоралар кўришга чақирди.
Шанба куни Европанинг кўплаб шаҳарларида норозилик намойишлари бўлиб ўтди.
Париж келишуви — сайёрада ҳароратнинг кўтарилиши саноатдан олдинги даврга нисбатан 1,5 даражадан ошмаслигини таъминлашни кўзда тутади. Намойишчилар эса, таклиф этилаётган чора-тадбирлар бу мақсадга эришиш учун етарли эмаслигини таъкидламоқда.
Глазго конференцияси яна бир ҳафта давом этади. Россия президенти Владимир Путин унда иштирок этмаяпти, бунинг учун уни Жо Байден танқид қилиб, Россия бутун дунё каби муаммоларга дуч келаётганини, лекин уларга қарши курашга етарли ҳисса қўшмаслигини таъкидлади.
