Бу ҳақда Клооп Медиа вакили Элвира Султонмурот қизи маълум қилди. «МСК рад этишда сайлов тўғрисидаги янги қонунчиликка ишора қилади. Лекин биз аввалги сайловларда тўрт марта кузатувчи сифатида қатнашганмиз ва ҳар сафар қонунбузарлик ҳолатлари бўйича МСКга ариза ва шикоятлар бериб, ҳар бир факт кўриб чиқилиши ва текширилишини талаб қилганмиз. Агар бу бажарилмаган бўлса, улар бу ҳақда аниқ ёзишган. Эҳтимол, шунинг учун бу сафар бизга рад жавоби берилгандир. Аммо бу ҳолатда МСК қарори Конституцияга зиддир», — дея тушунтирди у.
Нашрнинг ўзида қайд этилишича, Қирғизистон Республикаси Марказий сайлов комиссиясининг асослилиги сайлов тўғрисидаги қонунга зиддир, чунки сайлов кузатувчиларини рўйхатга олиш тартиби тўғрисидаги низомда «сайлов қонунчилигига ихтисослашган нотижорат ташкилотлари ва сайловларда, шунингдек, инсон ҳуқуқларини ҳимоя қилишда ўз уставида белгиланган сайловни ва/ёки референдумни кузатишда иштирок этиш тўғрисида қарор қабул қилиш ҳамда ўз жамоатчилик кузатувчиларини юбориш ҳуқуқига эга».
Шу билан бирга, “Клооп” ушбу норма регламентда фақат 2021 йил 5 сентябрда пайдо бўлганини, сайлов тўғрисидаги конституциявий қонунда «мутахассислик» каби мезон белгиланмаганини эслатиб ўтади. «Сайлов тўғрисидаги конституциявий қонун сайлов кузатувчиларини рўйхатга олиш тартиби тўғрисидаги низомга нисбатан «юқорироқ юридик кучга» эга», — дея хулоса қилади портал.
Эслатиб ўтамиз, Қирғизистон Республикаси Марказий сайлов комиссияси “Клооп Медиа» жамоат фондини парламент сайловларини кузатишда рад этиб, ўз қарорини «Президент ва Жўқорғи Кенгес депутатлари сайлови тўғрисида»ги конституциявий қонун ва Республика Президенти сайловини ўтказиш тўғрисидаги Низом қоидалари билан асослаган эди. “Клооп Медиа» жамоат фонди низомида сайлов қонунчилиги ва сайловлар, шунингдек, инсон ҳуқуқларини ҳимоя қилиш соҳасидаги фаолият кўрсатилмаган», — дея изоҳ берди МСК.