Давлат раҳбари матбуот хизмати хабарига кўра, Туркий тилли давлатлар ҳамкорлик кенгаши номини Туркий давлатлар ташкилоти деб ўзгартириш ва «Турк дунёсининг кўриниши-2040» ҳужжатини қабул қилиш режалаштирилган.
Таъкидланишича, ташриф доирасида Жапаров Туркия, Озарбайжон, Ўзбекистон ва Венгрия раҳбарлари билан учрашувлар ўтказади.
Шу йилнинг июнь ойида Садир Жапаров Туркияга расмий ташриф билан борган ва у ерда Ражаб Тойиб Эрдўғон билан учрашган эди. Ўша пайтдаги музокараларнинг асосий мавзуларидан бири савдо-иқтисодий ҳамкорликни ривожлантириш эди. Шунингдек, ташриф давомида Қирғизистонга ҳарбий-техник ёрдам кўрсатиш бўйича келишувга эришилгани маълум қилинди.