Ссылки доступа

Бишкекте арзандатылган баада көмүр саткан кошумча жайлар ачылат


Бишкекте көмүрдүн тоннасы 3 миң сомдон сатыла турган кошумча жайлар ачылат. Бул тууралуу "Кыргызкөмүр" мамлекеттик ишканасы кабарлады.

Мындай чечим 16-ноябрда иштей баштаган алгачкы сатуу жайында кезек күткөндөр көп болгондугуна байланыштуу кабыл алынган. Бүгүнкү күндө Мурманск көчөсү, 1б/1 дарегинде жайгашкан жайда көмүр лимит менен сатылууда. Азырынча бир үй-бүлө эки тонна гана көмүр сатып алат.

Президент Садыр Жапаров 15-ноябрда Бишкектин четиндеги ЖЭБ-2 ишканасынын жанындагы жашоочулар менен жолугушкан учурда өкмөт Кара-Кече кенинен казылган көмүрдү 3000 сомдон сата баштарын билдирген.

Өлкөдө суук түшкөнү көмүрдүн баасы кескин кымбаттап кетти жана кара отундун тартыштыгы байкалды.

Улуттук статистика комитеттин эсеби боюнча, 11-ноябрга карата Кыргызстанда көмүрдүн бир тоннасы 5 942,9 сомду түзүп, октябрь айына салыштырмалуу 14,7% кымбаттады.

Көмүр Ош облусунун Ноокат районунда эң кымбат сатылууда (бир тонна үчүн – 10 миң сом). Ал эми Баткенде 9 344,7 сом болсо, Исфанада 8 746,4 сомдон сатылып жатат.

Видео

Видео

Сузак: Сумаянын өлүмүнө шектүү изделүүдө
пожалуйста, подождите

No media source currently available

0:00 0:02:59 0:00
XS
SM
MD
LG