Ссылки доступа

Намойишчилар Олмаотада яна ипотека амнистиясини талаб қилиб чиқдилар


17 ноябрь куни бир гуруҳ аёллар Олмаотадаги Молия бозорини тартибга солиш ва ривожлантириш агентлигига мурожаат қилиб, ипотека қарзларини кечиришни талаб қилишди. Уларнинг аксарияти кўп болали ёки ёлғиз оналардир.

Намойишчилар нархларнинг ошиши аҳоли турмуш даражасини ёмонлаштирганини айтиб, ҳукуматни қарзга ботган кам таъминланган оилаларни қўллаб-қувватлашга чақирмоқда. 20 дан ортиқ аёлларнинг баъзилари Нур-Султон ва Қарағандадан келганликларини айтишди.

- Мен ёлғиз онаман. Менда ипотекани тўлай олмайдиган вазият юзага келди. Шу пайтгача ҳаммадан қарз олганман, қарзларим кўп. Ишим йўқ, соғлигимни йўқотяпман. Мен бу саволни бериш учун узоқ пойтахтдан келдим. Ҳукумат 2004-2009 йилларда қарз олувчиларга амнистия қўллагани каби бизнинг қарзларимизни узайтирсин», деди Макпал Жунусова исмли аёл.

Намойишчилар ҳукуматни кўп болали оналар, ногирон бола тарбиялаётган оналар, ёлғиз оналар ва ипотека кредитини тўлай олмаган пенционерларга ёрдам беришга чақирди.

Чоршанба куни Молия бозорини тартибга солиш ва ривожлантириш агентлиги вакиллари чиқиб, оналарни ичкарига киритишди. Томонлар ўртасидаги музокаралар ҳақида ҳозирча маълумот йўқ.

Сентябрь ойидаги фожиали кўчирилишлардан сўнг мамлакатда иккинчи даражали банклардаги юқори фоиз ставкалари, уй-жойсизлик, адолатсиз суд қарорлари, баҳоловчиларнинг «ноҳақ ҳаракатлари» ва кам баҳоланган ипотека кредитлари каби муаммолар яна авж олди.

Бир кун аввал президент Қосим-Жомарт Токаев молия секторига зарар етказмасдан қарз олувчиларга ёрдам беришга чақирди. Унга кўра, иккинчи даражали банклар мулкни гаровга қўйиш сиёсатини юмшатиб, баҳолаш фаолиятини тартибга солишни кучайтириши керак. Токаев, шунингдек, қарзини тўламоқчи бўлган кам таъминланган фуқароларнинг кредитларини кечириш ҳақида гапирди.

XS
SM
MD
LG