Бу ҳақда журналистларга Олмаота вилоятининг Жамбил тумани ҳокими ўринбосари Акниет Туматаев маълум қилди.
Ҳокимият мулозимининг сўзларига кўра, 2019 йилда сув омбори 454,8 миллион тенге (1 миллион доллардан ортиқ) эвазига капитал таъмирланган. Бунгача лойиҳа ҳужжатларини ишлаб чиқиш учун 28,1 миллион тенге ажратилган эди.
Фавқулодда ҳодиса жойига ташриф буюрган Туматаевнинг айтишича, сув омборида капитал таъмирлаш ишларини олиб борган «Қорабулоқ» МЧЖ корхонаси икки йиллик кафолат берган, «шунинг учун реставрация ишлари харажатлари ушбу МЧЖ зиммасида бўлиши керак».
Олмаота вилоятидаги Книжевск сув омбори тўғонининг тешилгани ҳақидаги хабар 21 ноябрга ўтар кечаси келиб тушган, деб хабар берди аввалроқ фавқулодда вазиятлар хизмати вакиллари. Ҳодиса натижасида яқин атрофдаги қишлоқлар зарар кўрмади.
Ҳодиса оқибатида қурбонлар ва жароҳатланганлар йўқ, шунингдек, турар-жой биноларини ҳам сув босмаган, фақатгина Минбаева-Қосимбек минтақавий автомобиль йўлидан сув оқиб ўтган.