22 ноябрь куни Халқ депутатлари Ўрта Чирчиқ тумани Кенгашининг 6-чақириқ 29-сессиясиди депутат Феруза Бабашеванинг масаласи ёпиқ тарзда фақат кенгаш депутатлари иштирокида кўриб чиқилди.
Маълумот учун, аввалроқ Феруза Бабашева иштирокидаки интим видео тарқалганди ҳамда мазкур ҳолат кенг муҳокамаларга сабаб бўлганди.
Депутат Феруза Бабашеванинг дахлсизлиги ҳуқуқидан маҳрум қилиш тўғрисидаги тақдимномаси юзасидан ахбороти эшитилиб, депутатлар томонидан Ф.Бабашева дахлсизлик ҳуқуқидан маҳрум қилинди ва унга нисбатан суд тартибида бериладиган маъмурий имтиёзларни қўллашга розилик билдирилди.
Феруза Бабашева ХДП Ўртачирчиқ туман кенгаши раислигига тайинланиб, депутатликка сайлангунига қадар узоқ йиллар халқ ва мактабгача таълим соҳасида меҳнат қилган. Унинг сўзларига кўра, у 12 йил давомида мактаб директори, кейин эса халқ ва мактабгача таълим бўлими мудири лавозимларида ишлаган.
У ўзининг Telegram-каналида ва Facebook саҳифасида тез-тез фуқаролар мурожаатларини эълон қилади, муаммони ўрганиш учун жойларга боради, онлайн-трансляцилар ўтказиб, кўпинча мансабдор шахсларни танқид қилади.
Ўртачирчиқ тумани прокуратурасининг тақдимномасида қайд этилишича, тергов бўлими томонидан «Агробанк» бошқарма бошлиғи Мухитдин Қиёмовнинг аризасига кўра терговга қадар текширув ўтказилмоқда.
Аввал хабар қилинганидек, депутат Феруза Бабашева «Агробанк»ни «энг ўғри банклардан бири» деб атаган, чунки ушбу банк ўқитувчиларнинг таътил пулларини нақдлаштиришда 1 фоиздан устама олиб қолганини таъкидлаган.