Компанияның ресми сайтындағы мәліметке қарағанда, бұл фабрика 1996 жылдан бері толық жөнделмеген. "Фабрикадағы өзгерістерді мамандар технологиялық шағын төңкеріс деп атады. Мұндағы технологиялық процестерге жасанды интеллект бақылау орнатады", – делінген ҚГК мәлімдемесінде.
Компания фабрика мамандарын Қазақстанға оқуға жіберген, одан соң қызметкерлер Мәскеуге білім алуға аттанады.
Құмтөр – Қырғызстандағы ірі алтын кені. Мұнда жыл сайын 15-17 тонна алтын өндіріледі. Кенді "Құмтор Голд Компани" салалас компаниясының көмегімен канадалық Centerra Gold Inc. компаниясы өндірген, Қырғызстанның мұндағы үлесі - 26%.
Биыл мамырда Жогорку Кенеш кәсіпорынға уақытша сырттай басқару енгізуді үкіметке тапсырды. Мемлекеттік комиссия Centerra Қырғызстанға 4 млрд 252 млн доллар салық пен экология санкцияларын төлеуі тиіс деп мәлімдеді.
Канадалық компания айыптауларды жоққа шығарып, қырғыз үкіметінің үстінен халықаралық соттарға шағымданды.