«Оян, Қозоғистон» ёшлар ҳаракати фаоллари 28 ноябрь куни Олмаотада Абай ҳайкали ёнида диссидент шоир Арон Атабек хотирасига бағишланган акция ўтказди.
Фаоллар Арон Отабекнинг шеърларини ўқиб, «Шонирак иши»ни қайта кўриб чиқишни талаб қилишди.
Митингда Арон Атабекнинг қизи Айдана Айдархон ва «Нур Отан» партиясини танқид қилгани учун таъқибга учраган фаол Алнур Иляшев ҳам қатнашган.
Ҳодиса жойига етиб келган ҳокимлик вакиллари йиғилганларни тадбир ноқонуний эканлигидан огоҳлантирган.
Шоир-диссидент Арон Атабек 24 ноябрь куни Олмаотадаги касалхонада 68 ёшида вафот этди.
Шоир 2006 йилда «Шонроқ иши»да айбланиб, 18 йилга ҳибсга олинган.
Атабек 15 йилни қамоқда ўтказди, жазонинг ўталмаган қисми бир йил муддатга озодликдан маҳрум қилиш билан алмаштирилди.
Атабек «оммавий тартибсизликлар уюштирганлик» айбини суддан олдин ҳам, кейин ҳам тан олмади.