Улар куч ишлатиб ҳибсга олинган пайтни фаол Байболат Кунболатули Facebookдаги саҳифасида эълон қилди.
Ҳибсга олинганлардан бири Гулпия Қозибекнинг сўзларига кўра, полиция қўлга олиш жараёнини тасвирга олган Холида Акитхон, Жамиля Макен, Гаухар Курманалиева, Нурзат Ермекбай ва Байболат Кунболатулини қўлга олган.
Хитойдаги қариндошларининг озод этилиши ва Қозоғистонга келиш учуҳн рухсат берилишини талаб қилаётган фуқаролар шу йилнинг февраль ойидан бери намойишлар ўтказмоқда.
Намойишларнинг бутун даври давомида Хитойнинг бирорта дипломатик ваколатхонаси намойишчилар олдига чиқмаган. Хитойнинг Қозоғистондаги элчиси Чжан Сяо март ойида Шинжонда қўлга олинганлар «Хитой фуқаролари» эканлигини ва «Хитой қонунларини бузганини» айтган эди. Қозоғистон Ташқи ишлар вазирлиги Шинжондаги вазиятни «Хитойнинг ички иши» деб атади. Пекин эса айни вақтда Нур-Султоннинг йирик инвесторлари ва кредиторларидан бири ҳисобланади.
Халқаро ташкилотлар ва Ғарб давлатлари Пекинни Шинжонда яшовчи уйғурлар, қозоқлар, қирғизлар ва бошқа мусулмонлар геноцидини уюштирганликда, маҳаллий халқлар вакилларини «қайта тарбиялаш лагерлари»га мажбуран жўнатаётганликда айблайди.
Пекин барча айбловларни инкор этиб, таъқибларни «экстремизм ва терроризмга қарши кураш», ёпиқ муассасалар тармоғини эса хитой тилини ва касб-ҳунарга ўратувчи марказлар деб атайди.