Ссылки доступа

Хорогтағы наразылық аяқталды. Билік қалада тәртіп орнағанын хабарлады


Митинг в Хороге

Хорог қаласында 28 қарашада кешке төрт күн бойы наразылық акциясын өткізгендер тарады. Мәліметті жергілікті билік пен белсенді азаматтар растады.

"Ховар" ұлттық агенттігінің мәліметінше, Таулы Бадахшан автономиялы облысындағы наразылық акциясы 28 қарашада кешкі сағат 20-лар шамасында аяқталды.

Тәжікстан билігі мен азаматтық қоғам өкілдерінің келіссөзінен соң Хорогта қоғамдық тәртіп орнады. Қаланың орталық даңғылында қоғамдық көлік қозғалысы мен сауда нүктелері жұмыс істей бастады.

Белсенділердің бірінің Озоди радиосына хабарлауынша, келіссөздер кезінде билік наразы топтың талаптарын орындауға келіскен.

"Билік наразылыққа қатысушыларды қудаламауға, Гүлбиддин Зиебековтің өліміне кінәлілерді қылмыстық жауапқа тартуға уәде берді", деді белсенді.

Тұрғындардың айтуынша, Хорогтағы әскери блокбекеттер алынған.

Хорог қаласындағы наразылық 25 қарашада басталды. Оған арнайы жасақтың Гүлбидин Зиёбековті ұстау кезінде оны өлтіруі себеп болды.

XS
SM
MD
LG