29 жастағы Зиёбековтің өлімі халық наразылығын көтеріп, Хорогта мыңдаған адам оны өлтіргендерді жазалауды талап еткен.
Гүлбиддиннің анасы Певистамо Абдулмуминова 1 желтоқсанда Озоди радиосына сұқбат беріп, Таулы Бадахшан облысының басшылары оның өтініш қабылдамай жатқанын, сол себептен тәжік президентімен кездескісі келетінін айтты. Ол ұлым ешқашан қолына қару ұстаған адам емес дейді.
Құқық қорғау органдары болса, оны ұстау кезінде күш құрылымдарына қарсы оқ атты, жауап ретінде олар да оқ атқан деп мәлімдеген.
28 қарашада Тәжікстанның Хорог қаласында төрт күннен бері жалғасқан наразылық акциясы тоқтап, халық тараған.