Маълум бўлишича, диспетчер самолётнинг фавқулодда қўндирилишидан кейин Беларусни тарк этиб Полшага қочиб кетган. У ерда эса воқеанинг баъзи тафсилотларини ошкор қилиб, гувоҳлик берган. Унинг таъкидлашича, «лайнер бортида портлаш хавфи атайлаб ёлғондан ташкиллаштирилган ва самолётнинг фавқулодда қўниши Протасевични қўлга олиш учун махсус операция бўлган».
The New York Times газетасининг ёзишича, диспетчер Полшани аллақачон тарк этган, ҳозир қаерда экани айтилмаган.
23 май куни Ирландиянинг Ryanair компаниясининг Афинадан Вилнюсга учаётган самолёти портлаш хавфи ҳақидаги маълумот туфайли Минскда қўнишга мажбур бўлди, кейинчалик бу маълумотлар ёлғон бўлиб чиқди. Ryanair раҳбари Майкл O'Лирининг сўзларига кўра, учувчиларга агар самолёт Литва ҳаво ҳудудига кирса, бомба портлаши ҳақида маълум қилинган.
Кейинчалик маълум бўлишича, самолёт Белоруссиядаги норозилик акцияларини ёритган ва мувофиқлаштирувчи Nexta телеграм-канал асосчиси Роман Протасевич ва унинг дўсти, Россия фуқароси София Сапегани ҳибсга олиш учун Беларус ҳукумати буйруғи билан ташкил қилинган. Уларга нисбатан Минскда оммавий тартибсизликлар уюштирганликлари ва ҳокимият вакилларига нисбатан ижтимоий адоват қўзғаганликлари учун жиноий иш очилган.
Протасевич ва Сапеганинг ҳибсга олиниши Ғарбда кескин танқидларга сабаб бўлди. Минскка қарши янги санкциялар жорий этилди.