Унинг адвокати Мунар Сулаймоновнинг Озодликка айтишича, ҳимоясидаги шахс гувоҳ сифатида сўроқ қилинган ва сўроқдан кейин қўйиб юборилган.
Бу маълумот полиция томонидан тасдиқланиб, суд-психиатрия экспертизаси тайинлангани ва унинг натижаларига кўра қарор қабул қилиниши айтилган.
23 декабрь куни Жалолобод вилояти ички ишлар бошқармаси 9 ёшли Сумайнинг ўлдирилиши фош қилинганини эълон қилди, унинг ғойиб бўлгани ноябрь ойида маълум бўлган эди.
18 ноябрь куни Сузоқ туманида яшовчи фуқаро қизи йўқолганлиги, у дарсдан кейин уйига қайтмагани ҳақида полицияга мурожаат қилган. Бир ҳафталик қидирувлардан кейин, 27 ноябрь куни қизнинг жасади Сузоқ туманининг Орол қишлоғи яқинидаги Кўк-Арт дарёси қирғоғидан топилган.
Мазкур ҳолат юзасидан Қирғизистон Республикаси Жиноят кодексининг 130-моддаси «Қотиллик» билан қайд этилиб, тергов ҳаракатлари олиб борилмоқда. Қизни ўғирлаб ўлдиришда гумонланиб, шу ҳудудда яшовчи 1973 йилда туғилган эркак қўлга олинди.
Олинган маълумотларга кўра, гумонланувчи Сузоқ туманидаги қишлоқлардан бирида ёлғиз яшаб, 10 йил аввал ажрашган. Дастлабки маълумотларга кўра, 18 ноябрь куни эркак Сумаяни кузатиб, уни алдаб уйига киритган. Шундан сўнг ҳужумчи бир неча кун давомида қизни ўз уйининг ертўласида сақлаган.
«У қизни лента билан боғлаб, совуқда сақлаганлиги ҳақида далиллар мавжуд. Бир неча кундан кейин қиз вафот этган ва шундан сўнг гумонланувчи тунда жасадни олиб чиқиб, дарё қирғоғига ташлаган. У қизнинг кийим-кечак ва ўқув қуролларини ёқиб юборган», деди полиция.
Гумонланувчи вақтинчалик сақлаш ҳибсхонасига жойлаштирилган, тергов ва тезкор-қидирув тадбирлари давом эттирилаётгани қайд этилди. Бироқ, у кейинроқ қўйиб юборилган.