Ссылки доступа

Тәжікстанның оңтүстігіне отандық көмір жеткізілді (видео)


Тәжікстан аймақтарында электр энергиясы шектеулі көлемде беріліп жатқанда, Куляб қаласына отандық өндірісшілердің көмірі жеткізілді. Осыған байланысты қалада көмір бағасының бір келісі 2 сомониден 80 дирамға дейін төмендеді.

Көмірді елдің өнеркәсіп министрлігі мен "Ангишти точик" мемлекеттік кәсіпорны жеткізген. 11 жүк көлігімен жеткізілген көмір қыс бойы бағаны өсірмеуге себеп болады дейді жергілікті әкімдік өкілі. Кулябқа жеткізілген көмір көлемі 300 тоннаны құрайды.

Билік қажет болған жағдайда тағы көмір жеткізілетінін хабарлады.

Осыған дейін Кулябта қырғыз көмірі сатылатын. Алайда биыл екі елдің шекарасында қарулы қақтығыс болғаннан кейін, қырғыз тарабы шекараны бір жақты жапты. Осыдан кейін бұл аймақта көмір қымбаттаған.

Ақпаратқа қарағанда, былтыр Куляб қаласында Тәжікстанда қазылған көмірдің келісі 40 дирам болғанына қарамастан, тұрғындар сапасы жақсы деп қырғыз көмірін 1 сомониден сатып алып келген.

XS
SM
MD
LG