Ссылки доступа

Ўзбекистон жорий йилда хориждан рекорд даражада картоша сотиб олди


Ўзбекистон 2021 йилнинг 1 январидан 20 декабрига қадар хориж давлатларидан 516,2 минг тонна картошка сотиб олди. Бу 2020 йилдаги кўрсаткичдан 23 фоизга кўпдир.

Иқтисодий тараққиёт ва камбағалликни қисқартириш вазирлигининг билдиришича, биргина 1 декабрдан 20 декабргача деярли 60,5 минг тонна қартошка эспорт қилинган. 2016 йилда Ўзбекистон хориждан фақат 50 миг тонна картошка сотиб олганди. Картошка импорти 2017 йилдан кўтарила бошлаган.

Қишлоқ хўжалиги вазирлиги эҳтиёжнинг ортиши оқибатида 2022 йилда 122 минг гектар ерга картошка экилишини билдирди. Бу 2021 йилдагига қараганда 40 фоизга кўпдир.

Ўзбекистон ўсимликлар карантини ва ҳимояси агентлигининг билдиришича, жорий йилда Ўзбекистон картошкани асосан Россия, Қозоғистон, Покистон, Эрон ва Қирғизистондан сотиб олган.

Жорий йилнинг сентябридан то шу кунгача Эрон ва Покистондан Ўзбекистонга олиб келинган 110 минг тонна картошканинг 4300 тоннасида рангпар ва тилларанг нематодалар (паразит чувалчанглар) аниқланди.

Зараркундалар борлиги аниқланган картошканинг 3525 тоннаси ортга қайтарилди, тадбиркорлар томонидан қайтарилишининг имкони йўқлиги сабабли 775 тонна картошка махсус объектларда йўқ қилинди.

XS
SM
MD
LG