Улар “Матбуотга эркинлик”, “Сизнинг тақиқларингиз бизни йўқ қилолмайди” ва “Репрессив қонунларга қаршимиз” дея хитоб қилишган.
Мамлакатда машҳур суриштирувчи журналист Хадича Исмоилова қонун лойиҳасидан мустақил оммавий ахборот воситалари фаолиятини чекловчи меъёрлар олиб ташланмагунча уни парламентда муҳокама қилишни тўхтатишни талаб қилган.
Норозилар қонун лойиҳаси маъқулланган тақдирда у қатағонларни авж олдиришини ва айнан кимлар журналистика билан шуғулланишини белгилаши учун давлатга катта имкониятлар беришини таъкидлаганлар.
Акция ўтказилаётган жойга етиб келган полициячилар журналистларни қуршаб олиб, уларнинг қўлларидан плакатларни тортиб олишган. Шундан сўнг норозилар Шаҳидлар хиёбонига сиқиб чиқарилган.
“Қонундаги Журналистлар реестрини яратиш ва бошқа янги меъёрлар Конституцияга ҳамда Сўз эркинлиги тўғрисидаги Европа конвенциясига хилоф. Биз фуқаролик жамияти вакилларидан ишчи гуруҳ тузилишини ва қонун лойиҳаси унинг иштирокида муҳокама қилинишини талаб қиламиз”, дея иқтибос келтирган “Кавказский узель” нашри акция қатнашчиларининг парламент депутатларига топширган резолюцияси матнидан.
Резолюциядан журналистлар ҳамжамияти фикрини инобатга олиш ҳамда қонун лойиҳасига ўзгартишлар киритиш талаблари ҳам ўрин олган.