Калмаматов ҳокимият билан музокара олиб бораётгани ва сиёсатчилар Исмоил Исақов, Ахматбек Келдибеков, Омурбек Текебаев ва Жилдизхан Жўлдошовага қарши кўрсатма бергани ҳақидаги маълумотни рад этди. Шунингдек, у ноқонуний ҳибсга олинганини ҳам қайд этди.
Жўқорғи Кенгеснинг собиқ депутати Бақтибек Калмаматов 22 декабрга ўтар кечаси Саудия Арабистонига ҳаж зиёратига учаётган вақтида аэропортда қўлга олинди.
Махсус хизматнинг тушунтиришича, у Қирғизистон Республикаси Жиноят кодексининг 330-моддаси («Ирқий, этник, миллий, диний ёки минтақалараро адоватни қўзғатиш (нафрат)”)да назарда тутилган жиноятни содир этганликда гумон қилиниб ҳибсга олинган. Вазирлик маълумотларига кўра, “Бақтибек Калмаматов ижтимоий тармоқлар орқали ҳудудлараро адоват қўзғатиш билан шуғуллангани ҳақида маълумот олинган».
Ҳокимиятнинг фаол танқидчиси Бақтибек Калмаматов 2021 йилги президентлик сайловларида иштирок этган. 28 ноябрь куни бўлиб ўтган парламент сайловларида у 5 фоизлик тўсиқдан ўта олмаган ва Жўқорғи Кенгесга кирмаган «Озодлик» партиясидан номзодини қўйган.
Бишкекнинг Первомайский туман суди мухолифатчи сиёсатчи Бақтибек Калмаматовга нисбатан эҳтиёт чорасини белгилаб 9 февралгача ҳибсда сақлашга қарор қилди.