Лукашенкога кўра “ташқи кучлар” Ўзбекистондаги вазиятни ҳам издан чиқариши мумкин. “Уларнинг нигоҳлари Ўзбекистонга ҳам қаратилган”,-деди Лукашенко.
Беларусь президенти “Қозоғистон сценарийси” бундан аввал Югославия, Ироқ, Ливия, Сурия, Украина, Афғонистон ва Беларусда ҳам амалга оширилганини иддао қилди.
КХШТга аъзо давлат раҳбарларининг навбатдан ташқари онлайн саммити 10 январда бўлиб ўтди. Саммит пайтида Қозоғистон президенти Қасим -Жомарт Тоқаев мамлакатдаги воқеаларни “давлат тўнтаришига уриниш” сифатида баҳолади.