Унинг сўзларига кўра, 165 нафар беморнинг ПЗР тестларини ўрганиш натижасида улардан иккитасида омикрон штаммлари аниқланган. Улар Республика юқумли касалликлар клиник шифохонасида даволанмоқда. Тадқиқотлар 4 дан 6 январгача бўлган даврда ўтказилди, аммо натижалар 6 кундан кейин маълум бўлди.
Шунингдек, бир қатор оммавий ахборот воситалари Соғлиқни сақлаш вазирлигига таяниб Қирғизистонда COVID-19 эпидемиясининг тўртинчи тўлқини бошлангани ҳақида ёзган.
Омикрон штамми биринчи марта Жанубий Африкада аниқланган. Шифокорларнинг фикрича, вируснинг янги варианти юқумлироқ бўлиб, эмланган одамларга ҳам юқиши мумкин. Аммо касалликнинг кечиши осонроқ ва беморлар касалхонага ётқизилиши шарт эмас.
Қирғизистонда 12 январь ҳолатига кўра, COVID-19 инфекциясининг 465 та янги ҳолати аниқланган. Соғлиқни сақлаш вазирлиги маълумотларига кўра, январь ойи бошидан буён бу кўрсаткич 8 баробарга ошган.
Охирги марта шунга ўхшаш кўрсаткичлар ўтган йилнинг август ойи ўрталарида кузатилган, шундан сўнг статистик маълумотлар пасайишни бошлаган. Январь ойи бошида ҳар куни 50 га яқин янги ҳолат қайд этилган бўлса, 5 январдан бошлаб бу кўрсаткичлар кескин ўсишни бошлади.
Қирғизистонда эпидемия давомида жами 186 878 нафар коронавирус инфекцияси расман аниқланган. 2823 киши инфекция қурбони бўлди.