Навалний бўлган самолёт Внуково аэропортига қўниши керак эди, бироқ охирги лаҳзада расмийлар лайнерни сиёсатчи қўлга олинган чегара назоратида бўлган бошқа Шереметево аэропортига қўндирди. Ўша кундан бери у озодликдан маҳрум қилинган.
Навалнийнинг ҳибсга олиниши ва қамоққа олиниши Россиянинг деярли барча шаҳрида норозиликларга сабаб бўлди. Рухсат этилмаган кўча юришлари оммавий қатағон билан якунланди.
Навалний колонияда бўлган йил давомида сиёсатчининг штаб-квартираси ва у томонидан ташкил этилган Коррупцияга қарши кураш жамғармаси «экстремистик ташкилотлар» деб тан олинди, уларнинг ўнлаб аъзолари ё ҳибсга олинди ёки Россияни тарк этишга мажбур бўлдилар. Навалнийнинг ўзига нисбатан яна бир қанча жиноий иш қўзғатилди.
2021 йил давомида Россия ҳукумати Навалний билан боғлиқ сиёсий тузилмаларни деярли бутунлай йўқ қилди. АҚШ, Буюк Британия ва Европа Иттифоқи давлатлари Россия мухолифати етакчисининг таъқибига жавобан Россияни жиддий санкциялар билан таҳдид қилишди, аммо охир-оқибат улар Ғарбга кўра, бир неча шахс ва ташкилотларга қарши санкциялар билан чекланишди.
The Insider, Bellingcat («хорижий агентлар» оммавий ахборот воситалари реестрига киритилган), CNN va Der Spiegel қўшма текшируви натижасида Навалнийга суиқасд уюштиришга алоқадорликда гумон қилинган ФСБ ходимларининг исм-шарифлари ва унвонлари эълон қилинди.
Навалнийнинг фикрича, суиқасд ортида шахсан президент Владимир Путин турибди. Кремль бу айбловларни рад этади.
17 январь куни дунёнинг ўнлаб шаҳарларида Навалнийни қўллаб-қувватловчи акциялар эълон қилинди. Россияда улар режалаштирилмаган. Сиёсатшунослар буни мухолифатчи тарафдорларига нисбатан мисли кўрилмаган репрессиялар ва уларнинг ҳаётидан қўрқишлари билан боғлашади.