Ссылки доступа

Европарламентга мальталик сиёсатчи Роберта Метсола бошчилик қилади


Роберта Метсола (в центре)

Европарламентнинг янги президенти — аввалги спикер, италиялик Давид Сассоли вафотидан сўнг — Малта вакили Роберта Метсола сайланди.

У Европа парламентининг тарихдаги энг ёш президенти бўлди: у 43 ёшга тўлганида бу лавозимга сайланди. Метсола, шунингдек, Европа Иттифоқининг энг кичик давлати бўлган Малтанинг Европа институтларини бошқарган биринчи вакили бўлди.

Консерватив сиёсатчининг номзодини Европарламентнинг учта энг йирик фракцияси, жумладан, аввалги раҳбар вакили бўлган социалистлар қўллаб-қувватлади.

Метсола аборт тўғрисидаги қатъий қонунлар тарафдори сифатида танилган, бироқ у лавозимга сайланишидан олдин, Европарламент раҳбари сифатида ўз қарашларига эмас, балки унинг кўпчилик депутатлари позициясига амал қилишига ваъда берган.

Роберта Метсоланинг турмуш ўртоғи — Финляндия депутати Укко Метсола. Уларнинг тўрт фарзанди бор.

XS
SM
MD
LG