Расман билдирилишича, қўлга олинган шахс Россияга кетгунига қадар Қашқадарё вилоятида яшаган. У Суриядаги жангарилар сафига бориб қўшилишни режалаштирган. Айни пайтда қўлга олинган шахс Ўзбекистонга олиб келинган ва унга нисбатан тергов ҳаракатлари олиб борилмоқда.
Давлат хавфсизлик хизмати 12 январь куни Россияда жангарилар сафига қўшилиш мақсадида Сурияга кетмоқчи бўлган вақтида Ўзбекистон фуқароси, 1987 йил Сурхондарё вилоятида туғилган Ж.Х.,қўлга олингани ҳақида хабар берганди.
Андижон туманида яшовчи 12 нафар аёл эса 16 январь куни “Ҳизб ут-Таҳрир” диний экстремистик ташкилотининг “Аёллар қаноти” гуруҳига аъзо бўлганликда гумонланиб қўлга олинган.