Ссылки доступа

CNN: Келаси ҳафтада АҚШ Киевдаги элчихона ходимларини эвакуация қилишни бошлаши мумкин


Келаси ҳафтада Россиянинг Украинага бостириб кириши таҳдиди туфайли АҚШ Киевдаги элчихона ходимларининг бир қисмини эвакуация қилишни бошлаши мумкин, деб хабар бермоқда Американинг CNN телеканали.

АҚШнинг Украинадаги элчихонаси ҳозирча бу маълумотга изоҳ бермади.

Телеканал манбаларига кўра, элчихона аллақачон Давлат департаментига дипломатлар оилалари ва муҳим бўлмаган ходимларнинг Киевни тарк этишига рухсат бериш илтимоси билан мурожаат қилган. Киевдаги дипломатик миссиянинг бир қисмини эвакуация қилиш эҳтимоли шу ҳафта Давлат котиби Энтони Блинкен Украинага ташрифи чоғида президент Владимир Зеленский билан муҳокама қилинган.

Аввалроқ The New York Times газетаси Россия йил бошида дипломатик ходимларининг оила аъзоларини Украинадан олиб чиқиб кетгани ҳақида хабар берган эди.

Ўтган йилнинг кузидан бошлаб оммавий ахборот воситаларида Россия қўшинларининг Украина билан чегарада тўплангани ҳақидаги разведка маълумотларига таяниб хабарлар пайдо бўла бошлади. АҚШ ва бошқа Ғарб давлатлари Москва ҳарбий босқинга тайёрланаётганини тахмин қилишди. Кремль бу баёнотларни рад этиб, АҚШ ва НАТОдан «хавфсизлик кафолати»ни, хусусан, иттифоқни шарққа кенгайтирмасликни талаб қилди. Ғарб вакиллари фундаментал масалаларда ён бермасликларини эълон қилдилар.

XS
SM
MD
LG