Ссылки доступа

Ресейдегі «Яндекс.Такси» мен «Яндекс.Лавка» мәліметтерін арнайы қызметке береді


«Яндекс.Такси», «Яндекс.Go», «Яндекс.Лавка» және «Яндекс.Еда» қызметтері тұтынушылардың мәліметтерін жинап, оларды құқық қорғау органдары мен арнайы қызметке беруі тиіс.

Олар ақпарат таратуды ұйымдастырушылар тізіміне қосылғандықтан, аталған қызметтен осындай тәртіпті орындауы керек. «Яндекстің» баспасөз қызметті заңды орындауға міндетті екенін мәлімдеді.

Бұның алдында ақпаратты таратуды ұйымдастырушылар тізіміне "Яндекс.Дзен", "Яндекс.Маркет", "Яндекс.Почта", "Яндекс.Диск", "Яндекс.МойКруг" және "Яндекс.Недвижимость" қызметтері кірген.

Мемлекеттік дума депутаты Ирина Ярова дайындаған ережелер 2016 жылы қабылданды. Олар баспасөзде «Ярова пакеті» деп аталып кетті. Соның негізінде террористік және экстремистік сипаты бар қылмыстар үшін жаза күшейді.

Байланыс операторлары тұтынушылардың телефонмен әңгімелесуін, хабарламаларын жазып, оларды жарты жыл бойы сақтап, арнайы қызмет сұратқан уақытта бірден беруі тиіс болды. Ресей осы заңды жүзеге асыруға кем дегенде 10 триллион рубль жұмсады.

XS
SM
MD
LG