Бундан ташқари, улар 2021 йил учун 30 миллиард тенге миқдоридаги тўловларни қайтаришни ҳам сўрашган.
Фермерларнинг фикрича, утилизация тўлови ускуналар нархини оширади, бу эса, ўз навбатида, ишлаб чиқарилаётган маҳсулотнинг ҳам таннархини ошишига олиб келади.
«Ёш фермерлар» уюшмаси раҳбари, фермер Сандибек Бексултановнинг айтишича, унинг ташкилотига 50 дан ортиқ ёш фермер аъзо бўлиб, 500 минг гектар ерни ўзлаштирмоқда. Унинг ўзи Қўстанай вилоятида 25 минг гектар майдонда буғдой, сули, арпа етиштириш билан шуғулланади. Фермер хўжалигида 150 га яқин киши ишлайди.
Расмий маълумотларга кўра, «Оператор РОП» томонидан утилизация тўлови шаклида олинган умумий пул миқдори 691,9 миллиард тенгени ташкил этди. Ушбу маблағнинг бир қисми маҳаллий автомобиль саноатини рағбатлантиришга сарфланди. Яқин вақтгача одамлардан, компаниялардан ва уларга субсидия берадиган ҳукуматдан йиғилган пуллар Қозоғистон собиқ президентининг кенжа қизи Алия Назарбоева билан боғлиқ бўлган «Оператор РОП» компаниясининг ҳисоб рақамларига ўтказиб келинарди.
Шу ой бошида, президент Қасим-Жомарт Тоқаевнинг 11 январь куни парламентда «Оператор РОП»ни танқид қилганидан сўнг, ҳукумат “Жасил Даму«ни янги оператор этиб тайинлади. Фаоллар «Оператор РОП» МЧЖнинг “Жасил Даму” АЖга алмаштирилиши асосий муаммони ҳал қилмаслигини айтиб, коррупция компоненти мавжудлигини текширишга чақирди.