У саёҳатнинг бошқа тафсилотларини айтмади.
Шу билан бирга, Тоқаев январь ойи бошида Путин Россия ва унинг иттифоқчилари қўшинларини Қозоғистонга юборишдан олдин қандайдир шарт қўйганми, деган саволга у салбий жавоб берди.
Қозоғистон президенти, шунингдек, КХШТ ҳарбий хизматчилари мамлакатда бўлган вақтларида «бирорта ҳам ўқ отмаганини» айтди.
Интервьюда Тоқаев январь ойи бошида Олмаота ва бошқа бир қатор шаҳарларда ҳукуматга қарши оммавий норозилик намойишлари бошланган ва одамлар қурбон бўлган воқеалар ҳақидаги ўз версиясини айтиб ўтди.
Қозоғистон президентининг сўзларига кўра, тадбирларни «профессионаллар» режалаштирган, тинч намойишлар ҳам режанинг бир қисмидир. Уларнинг аслида қандай профессионаллар эканлигига Тоқаев аниқлик киритмади. Бироқ унинг таъкидлашича, тартибсизликларнинг кўпчилиги Олмаотадан чиқиб, хорижга кетган ёки яширинган. Аввалроқ Қозоғистон расмийлари тартибсизликларни хориждан келган айрим кучлар уюштирганини ва уларнинг иштирокчилари террорчи деб аталганини даъво қилган эди.
Тоқаев ҳуқуқ-тартибот идоралари раҳбариятини танқид қилар экан, шахсан ўзи ўлдириш буйруғини берганини тасдиқлади.
Тоқаевнинг сўзларига кўра, у ҳақиқатда собиқ президент Нурсултон Назарбоевни Хавфсизлик кенгаши раҳбари лавозимидан маҳрум этишга шахсан буйруқ берган. Шу билан бирга, Тоқаев Назарбоев билан лавозимлар борасида ҳеч қандай келишмовчилик бўлмаганига ишонтирмоқда.
Январь ойида Назарбоев президентликдан кетганидан кейин ҳам эга бўлган барча ваколатларини йўқотди, унинг қатор қариндошлари эса раҳбарлик лавозимларидан айрилди. Шу билан бирга, Тоқаев интервьюда у ҳақида ҳурмат билан гапирган, тартибсизликлар пайтида жим бўлган Назарбоевнинг ўзи ҳам яқинда телевидение орқали мурожаат қилиб, Тоқаевни қўллаб-қувватлаган.
Эслатиб ўтамиз, Қозоғистон президенти Қасим-Жомарт Тоқаев 28 январь куни бўлиб ўтган «Нур Отан» партиясининг навбатдан ташқари қурултойида унинг янги раиси этиб сайланган эди. Оқўрда хабарига кўра, Тоқаевни партия раиси этиб сайлаш таклифи Қозоғистоннинг собиқ президенти Нурсултон Назарбоев томонидан киритилган. Қурултой делегатлари бу таклифни «бир овоздан» қўллаб-қувватладилар.
Қозоғистонда янги йил байрамидан сўнг ёнилғи нархининг кескин ошиши сабабли тартибсизликлар бошланди. 5 январь кунидан эса тартибсизликлар Олмаотада ҳам бошланди. Мамлакатда фавқулодда ҳолат жорий этилиб, Тоқаевнинг илтимосига биноан Қозоғистонга КХШТ контингенти жойлаштирилди. Бир неча кундан кейин ҳокимият вазиятни назоратга олди. Россия ва унинг иттифоқчи қўшинлари Қозоғистонни тарк этишди.
Расмий маълумотларга кўра, январь воқеалари қурбонлари сони 200 дан ошди, улардан 20 дан камроғи ҳуқуқ-тартибот идоралари ходимларидир. Инсон ҳуқуқлари фаоллари ва Ғарб давлатлари Қозоғистон расмийларини номутаносиб куч ишлатганликда танқид қилишган, бироқ ҳеч қандай санкциялар қўлланилмади.