Ссылки доступа

Полша ва Руминияга 3 минг АҚШ аскари жойлаштирилади


Американские военные на учениях в Польше

Яқин келажакда Россиянинг Украинага қуролли бостириб кириши таҳдиди муносабати билан НАТО мамлакатлари хавфсизлигини мустаҳкамлаш учун Марказий ва Жануби-Шарқий Европа мамлакатларига 3000 АҚШ аскари юборилади. Бу ҳақда Жо Байден маъмурияти вакилларига таяниб, CNN телеканали хабар берди.

Кейинчалик бу хабар Пентагон расмийси томонидан тасдиқланди. АҚШ Мудофаа вазирлиги маълумотларига кўра, президент Байден Қўшма Штатлардан Европага 2000 аскар жўнатишни буюрган. Улар Полшага юборилади.

Руминияга яна минг америкалик аскар юборилади, аммо АҚШнинг ўзидан эмас, Германиядан.

Аввалроқ Қўшма Штатлар 8500 аскарини Европага жўнатиш учун тўлиқ шай ҳолатга келтирган эди.

Байден ўтган ҳафта АҚШ ҳарбийлари «тез орада» Европага юборилишини айтди ва бу оз сонли қўшин эканлигини қўшимча қилди.

Шунингдек, Британия тез орада Полша ва Эстонияга қўшимча контингент жўнатиши хабар қилинган эди.

Қўшма Штатлар ва унинг иттифоқчилари Россиянинг Украинага нисбатан ҳар қандай тажовузкор ҳаракатлари альянснинг шарқий қаноти деб аталадиган қисмида жойлашган НАТО қўшинлари сонининг кўпайишига олиб келишини бир неча бор таъкидлаган. Украинанинг ўзига қўшин юбориш режалаштирилмаган. Чоршанба куни Пентагон вакили АҚШ ҳарбийлари Украинада «жанг қилмаслигини» яна бир бор таъкидлади.

XS
SM
MD
LG