Осының алдында бірқатар депутаттар ҰҚМК жетекшісі №39 қаулы жөнінде түсіндіруді талап еткен.
Жиналыстан шыққаннан кейін Камчыбек Ташиев журналистер сұрақтарына жауап беріп, аталған қаулы үш бөліктен тұратынын, ол Қырғызстан пайдасына жұмыс істейтінін айтқан.
"Депутаттар "Ворухқа жол беріледі деген сөздер рас па, жоқ па" деп сұрады. Қаулыны оқып, оның мазмұнын түсіндіріп бердім. Ол жерде анық айтылған. Ешқандай дәліз берілмейді. Жолдар салынбайды. Ак-Сайдың шығысындағы жол мемлекеттер аралық келісіммен анықталады. Мұндай құқық президенттерде ғана бар. Біз оларға ұсыныс береміз. Кімнің жолы болады, ұзындығы қандай болады, кім салады? Осының бәрі сол келісімде жазылады",- деді Ташиев.
Жабық өткен жиында депутаттық комиссия құрылмағаны, министрлер кабинетіне ешқандай тапсырма берілмегені белгілі болды.
Қоғамда талас туғызған №39 қаулы 2021 жылдың 1 мамырында Баткен қаласында қабылданып, оған Камчыбек Ташиев пен Тәжікстан ҰҚМК төрағасы Саймумин Ятимов қол қойған.
Былтыр осы қаулы қабылданған кезде Тәжікстанның "Ховар" ұлттық агенттігі Кожалы-Ворух жолы бірлесіп салынатынын, оны Тәжікстан тарап басқаратынын жазған. Кейін Камчыбек Ташиев бұл ақпаратты теріске шығарды.
Соңғы бір жыл ішінде Баткен облысындағы қырғыз-тәжік шекарасында жағдай ушығып кетті. 27қаңтарда қырғыз-тәжік шекарасындағы Төрт-Көчө аймағында тәжік тұрғындар жолды жабуға әрекет етіп, сөйлесулерден кейін жағдай тынышталған.
Қырғызстанның 12 адамы жарақат алса, Тәжікстан тарап екі адам қайтыс болып, оны зардап шекті деп хабарлады.