Қайд этилишича, Президент Садир Жапаров элчи лавозимига тайинлаш ҳуқуқидан парламентнинг профиль қўмитасида рухсатисиз фойдаланган ва тегишли қарорни имзолаган.
Давлат раҳбари матбуот котиби Эрбол Султонбоев бу ҳақда кейинроқ маълумот беришга ваъда берди.
2020 йил июлидан Қирғизистоннинг Германиядаги элчиси лавозимини 2012-2018 йилларда Ташқи ишлар вазирлигини бошқарган собиқ ташқи ишлар вазири Эрлан Абдилдаев эгаллаб келган.
Омурбек Текебаев бошчилигидаги «Ата Мекен” партияси мухолифат партияси сифатида мавқега эга. 28 ноябрь куни бўлиб ўтган сайловлар натижасида у 5 фоизлик сайлов чегарасидан ўта олмади. Овоз беришнинг дастлабки натижалари эълон қилинганидан сўнг Текебаев «ғалаба яна ўғирлангани ва бунга далиллари борлигини» айтди.
Кейинчалик у ҳужумга учради ва бу воқеани сиёсий фаолияти билан боғлади. Талончиликда айбланган гумонланувчи қўлга олинди, бироқ сиёсатчи қарши баёнот ёзди. Текебаев 2010 йил июнь воқеалари бўйича ҳам ўтган йил охирида сўроқ қилинган эди.