Берунийда қиз олиб қочиш ҳодисаси акс этган видео аввалроқ ижтимоий тармоқларда тарқалган эди. Мазкур видео бўйича изоҳ берган вазирлик ҳодиса 4 февраль куни рўй бергани, берунийлик 25 яшар А.Х. икки таниши билан биргаликда 2002 йилда туғилган Б.О.ни куч ишлатиб олиб қочгани аниқлаганини очиқлаган. Қайд этилишича, А.Х. қизни у билан никоҳланиш мақсадида олиб қочган.
ИИВ фуқаро Б.О. рўй берган ҳодиса юзасидан Беруний тумани ИИБ бошлиғи номига ариза билан мурожаат этгани, ҳозирда мазкур ҳолат юзасидан тергов бўлинмаси томонидан текширув олиб борилаётганини қайд этган.
Беруний туман ички ишлар бўлими уч нафар йигитнинг бир қизни ихтиёрига зид равишда олиб қочишга урингани юзасидан терговга қадар текширув ҳаракатлари бошлаган. Бу ҳақда Қорақалпоғистон Ички ишлар вазирлиги матбуот хизмати маълумот тарқатди.