Фаолларга кўра, ишга жойлашишга муҳтож фуқаролар рўйхатида 2,5 минг киши бор ва уларнинг сони кундан-кунга ортиб бормоқда. Ташаббус гуруҳи вакили Галия Жанабаева Озодлик билан суҳбатда рўйхатни ой бошидан тўлдираётганини айтди.
Намойишчилар олдига Мангистау вилоят масъул котиби Нури Тумишев ва масъул депутат Элубай Абилов етиб келган. Аммо йиғилганлар уларга қулоқ солмаган. Куннинг иккинчи ярмида бир гуруҳ намойишчилар Жанаўзен шаҳри ҳокими Мақсат Ибагаров билан гаплашган. Ундан амалга оширилган ишлар ва одамларга қандай ишларни таклиф қилиши мумкинлиги ҳақида сўрашган.
Жанаўзендаги ишсизларнинг намойишлари давом этмоқда. Улар ҳоким таклиф қилган комиссия тузиш ғоясига қўшилмадилар, уларнинг фикрича, бунинг оқибати қариндош-уруғчилик ва таниш-билишчилик билан тугайди.
Жанаўзендаги ишсизлик энг кескин муаммолардан бири. 2019 йилда одамлар бир неча ой иш талаб қилиб кўчаларга чиқди. Жанаўзендаги ишсизлик муаммосини кўтарган фаол Ержан Елшибаев ўша йили ўзи рад этган айблов билан ҳибсга олинган ва беш йилга қамалган. Қозоғистонлик ҳуқуқ ҳимоячилари бу ишни сиёсий мотивли, деб аташади.