Ссылки доступа

Тәжікстан білім және ғылым министрі Мұхаммадюсуф Имомзода қызметтен алынды


Мухаммадюсуф Имомзода

Мұхаммадюсуф Имомзода 21 ақпанда Тәжікстан білім және ғылым министрі қызметінен босады. Азаттық радиосы Тәжік қызметінің білім министрлігіндегі екі дереккөзі мәліметті растады.

Дереккөздер мәліметінше, жаңа министр сейсенбі күні түстен кейін таныстырылады. Бұл уақытта, сенімді дереккөзге сүйенген "Азия-Плюс" білім министрі қызметіне Хамро Саидзода тағайындалғанын хабарлады. Ол Душанбедегі Ұлттық технологиялық зерттеу университетін басқарады.

Мұхаммадюсуф Имомзода Тәжікстанның білім және ғылым министрі қызметіне 2020 жылғы 24 ақпанда тағайындалған.

Мұхаммадюсуф Имомзода - Педагогика және әлеуметтік ғылымдар академигі, профессор.

Имомзоданың министр қызметінен босағаны жөнінде президент жарлығы әлі жарияланған жоқ.

2021 жылғы 21 желтоқсанда президент Эмомали Рахмон елдегі білім беру жүйесін сынаған.

XS
SM
MD
LG