Унинг айтишича, Осиё тараққиёт банки билан 50 миллион доллар ажратиш бўйича келишувга эришилган.
«Яна 650 минг доллар инфратузилма учун ажратилган. 25 миллиони имтиёзли кредит, 25 миллион 650 минг доллари грант. Бу пулга 120 та электробус харид қиламиз. Кредит шартларига кўра, йиллик 1%, кейин 1,5% ставкада 8 йиллик имтиёзли давр бўлади. Лойиҳада автобуслар харид қилишдан ташқари, инфратузилма – автобусларни қувватлантириш базасини барпо этиш, йўлда автобуснинг заряди тугаб қолса, эвакуатор сотиб олиш ҳам кўзда тутилган», — деди ҳоким.
Иккинчи лойиҳа – Европа тикланиш ва тараққиёт банки (ЕТТБ)нинг 33 миллион евролик кредити, шундан 8 миллиони грант, 25 миллион евроси кредитдир. Ушбу шартнома йилига 1% миқдорида 3 йиллик имтиёзли даврни, шунингдек, сумманинг 1% миқдорида комиссияни назарда тутади.
«Биз шартномани ратификация қилиш учун тақдим этдик, лекин биз аллақачон ишни бошладик, тендер эълон қилдик. Газ билан ишлайдиган 250 та автобус сотиб олиш режалаштирилган, улардан 100 таси узунлиги 10,5 метр, 150 таси 12 метрли автобуслар», — деди Жунушалиев.
Унинг қўшимча қилишича, Бишкекка 1500 дан 1700 тагача автобус керак, шу боис шаҳар бюджетидан жамоат транспорти хариди учун 1,5 миллиард сўм ажратилган. Унга кўра, маҳаллий корхонадан автобуслар харид қилиш масаласи кўриб чиқилмоқда.