Ссылки доступа

Январь ойида импорт қилинган автомобилларнинг 96 фоизи Хитой ва Корея ҳиссасига тўғри келди


Жорий йилнинг январь ойида Ўзбекистон 12 та хорижий давлатдан қиймати 65,7 миллион АҚШ долларига тенг бўлган 3 минг 37 дона енгил автомобиль импорт қилган. Давлат статистика қўмитаси маълумотига кўра, бу ўтган йилнинг шу даврида хориждан сотиб олинган автомобиллар сонидан 2 минг 819 тага кўпдир.

Қўмита қайдича, ўтган ой Ўзбекистонга енгил автомобиль энг кўп Хитой (1 минг 781 дона) ва Жанубий Кореядан (1 минг 136 дона) олиб кирилган. Бу 2022 йилнинг илк ойида мамлакат импорт қилган автомобилларнинг 96 фоизини ташкил этади.

Мазкур икки давлатдан ташқари Ўзбекистонга яна Россия (85 та), АҚШ (10 та), Қозоғистон (7 та), Япония (4 та), Туркия (3 та), Германия (3 та), Уммон (3 та), Бирлашган Араб Амирликлари (2 та), Эстония (2 та) ва Буюк Британия (1 та) каби мамлакатлардан ҳам енгил автомобиллар олиб келинган.

Аввалроқ Озодлик президент Мирзиёев жорий йилнинг 21 февраль куни янги импорт автомобиллар учун бож миқдорини пасайтиришга оид қарор имзолагани ҳақида хабар қилган эди.

XS
SM
MD
LG