Унинг сўзларига кўра, халқаро амалиётга мувофиқ «1000-1200 мегаватт қувватга эга энергия блоки» қурилиши шу миқдорга тушади. Касенов аниқ суммани етказиб берувчи аниқлангандан кейин билиш мумкинлигини қўшимча қилди.
Касеновнинг сўзларига кўра, ҳозирда олтита потенциал етказиб берувчилар кўриб чиқилмоқда: NuScale (АҚШ), GE-Hitachi (АҚШ-Япония), KHNP (Корея), CNNC (Хитой), EDF (Франция) ва Росатом (Россия).
Касеновнинг сўзларига кўра, молиялаштириш манбаси «музокаралар жараёнида ишлаб чиқилади». Потенциал атом электр станциясининг қурилиши 20 йил ичида ўзини оқлайди, деб ҳисоблайди Энергетика вазирлиги.
23 февраль куни бўлиб ўтган брифингда АЭС қуриш учун иккита жой, Балхаш иссиқлик электр станцияси ва Курчатов шаҳри кўриб чиқилаётганини ҳам маълум қилинди.
Атом электр станциясини қуриш бўйича мунозаралар 1990 йилларнинг охиридан бери турли муваффақиятлар билан давом этмоқда, аммо сўнгги бир неча йил ичида бу ғоя кучайиб бормоқда. 2019 йил апрель ойида Россия президенти Владимир Путин Қозоғистон президенти Қасим-Жомарт Тоқаев билан Москвада бўлиб ўтган учрашувда атом электр станциясини қуришда ёрдам беришни таклиф қилган эди. Шундан сўнг Тоқаев ўз чиқишларида атомдан тинч мақсадларда фойдаланиш зарурлигини қайта-қайта таъкидлади. Қозоғистон ҳукумати аҳолининг атом электр станциясини қуриш ғояси ҳақидаги фикрини ўрганиш, шунингдек, «тушунтириш ишлари», жумладан, блогерларни жалб қилган ҳолда ўтказишни режалаштираётганини маълум қилди.