Ссылки доступа

Тәжікстан Украинада жүрген азаматтарына әскери режим "тәртібін қатаң сақтауға" кеңес берді


Тәжікстанның сыртқы істер министрлігі Украина аумағындағы азаматтарына шұғыл штаб ережелерін қатаң сақтауға кеңес берді. 24 ақпанда Украинаның барлық аумағында әскери режим жарияланды.

Ресей Донбаста арнайы әскери операция бастаған соң, Украина президенті Владимир Зеленский елдің барлық аумағында әскери жағдай енгізілгенін жариялады.

Тәжікстанның сыртқы істер министрлігі қалыптасқан күрделі жағдайға байланысты мәлімдеме таратты. Онда Украина аумағындағы тәжікстандықтарға әскери жағдай тәртібін қатаң сақтауға, мүмкін болса үйден шықпауға кеңес берген.

"Украина аумағында қиыншылыққа ұшыраған жағдайда азаматтарымыз Тәжікстанның Украинадағы елшілігіне мына телефон нөмірімен хабарласа алады: +380933361040", - деп хабарлады СІМ.

Бейсенбі күні түнде Ресей президенті Владимир Путин Украина аумағында "арнайы әскери операция" басталғанын жариялады. Куәгерлердің хабарлауынша, Украинаның бірнеше қаласы зымыранмен атқыланып жатыр.

XS
SM
MD
LG