Тәжікстан футбол федерациясының хабарлауынша, ел құрамасы іріктеу турнирінде "F" тобында Мьянмамен (8 маусым), Сингапурмен (11 маусым) және Қырғызстанмен (14 маусым) кездеседі. Матчтар Бішкекте өтеді.
"Тәжікстан құрамасы әлем чемпионатының іріктеу турнирінде Қырғызстан мен Мьянма командаларымен ойнаған. Сол себепті топтағы қарсыластар бізге жақсы таныс. Іріктеу ойындары оңай болмайды. Қарсыластың күшін құрметтеп, маусым айындағы ойындарға тыңғылықты дайындалуымын керек. Мақсат - Азия Кубогының ақтық сынына жолдама алу", – деді Петр Сегрт.
Еске салайық, 55 жастағы хорват маманы Петр Сегрт 27 қаңтарда Тәжікстан ұлттық құрамасының бапкері болып тағайындалды.
Иран, Оңтүстік Корея, БАӘ, Ливан, Ирак, Сирия, Сауд Арабиясы, Жапония, Австралия, Оман, Вьетнам, Қытай және Катар 2023 жылғы Азия Кубогының ақтық сынына жолдама алған.