Уларнинг кўпчилиги президент Владимир Путин билан яқин алоқада бўлган қудратли шахслардир.
ЕИ қора рўйхатига киритилган рус олигархлари орасида келиб чиқиши ўзбекистонлик миллиардер, USM холдинги асосчиси, Mail.ru ва Мегафон компаниялари эгаси ва энг йирик аксиядори Алишер Усмонов ҳам бор.
Санкцияга, шунингдек, Россия президентининг матбуот котиби Дмитрий Песков, "Роснефть" раҳбари Игорь Сечин, "Альфа-Банк" ҳамраиси Михаил Фридман, "Волга" гуруҳининг эгаси Геннадий Тимченко, "Альфа-Банк" директорлар кенгаши раиси Пётр Авен, “Северсталь”нинг асосий акциядори Алексей Мордашовлар ҳам кирди.
ЕИ қора рўйхатида Россиядаги давлат оммавий ахборот воситалари ходимлари ва ҳукуматпараст публицистлар, жумладан Захар Прилепин, Аркадий Мамонтов, Антон Красовский, Роман Бабаян, Ольга Скабеева ва Тигран Кеосаянларнинг исмлари ҳам бор.
Дарҳол кучга кирадиган бу санкциялар Россиянинг Украинага босқини ортидан эълон қилинди.
АҚШ ва Европа Иттифоқининг санкциялари аллақачон Россия рублининг кескин пасайишига олиб келди.