Коронавирус инфекциясига қарши кураш бўйича Республика штабининг маълум қилишича, Қирғизистон Республикасига келган ҳар бир шахсдан коронавирусга қарши вакцина олинганлигини тасдиқловчи ҳужжат (қоғоз ёки электрон шаклда) бўлиши шарт. Ёки таҳлил намунаси олинган пайтдан бошлаб охирги 72 соат ичида ўтказилган SARS-CoV-2 учун салбий натижа билан ПЗР тадқиқоти натижаларини тақдим этишингиз керак.
Қайд этилишича, ушбу қоидалар 12 ёшгача бўлган, шу жумладан, ота-оналари ёки қонуний вакиллари ҳамроҳлигида бўлган болаларга нисбатан қўлланилмайди.
Шу билан бирга, мамлакатга кирувчи фуқаронинг ПЗР тести муддати тугаган тақдирда (намуна олинган пайтдан бошлаб 72 соатдан ортиқ) ёки «парвоз, кечиктирилган парвозлар / транзит ҳаракати билан боғлиқ объектив сабабларга кўра» коронавирус учун экспресс тест топшириши керак бўлади.
Эслатиб ўтамиз, 11 февраль куни Қирғизистон мамлакатга келган шахсларда коронавирус инфекциясига қарши вакцина олганлиги тўғрисидаги гувоҳнома бўлса, ПЗР тест натижаларининг мажбурий бўлиши ҳақидаги талабни бекор қилган эди.
ПЗР тести натижаларининг мавжудлиги талаби Қирғизистон ҳукумати томонидан 2022 йил 1 декабрда омикрон штаммининг тарқалиши муносабати билан жорий қилинган.
2021 йил июль ойида ТИВ Қирғизистон 20 та давлат, жумладан, Россия ва Қозоғистонда берилган коронавирусга қарши эмлаш сертификатларини тан олишини маълум қилди.