Ссылки доступа

Өзбекстан Украинадағы азаматтарын алып кету үшін 2 наурызда тағы екі рейс жасайды


Ресми Ташкент Украинадан Польшаға өткен өзбекстандықтарды елге жеткізу үшін 2 наурызда тағы екі рейс жасау жөнінде шешім қабылдады. Бұл туралы Өзбекстан сыртқы істер министрлігінің баспасөз қызметі хабарлады.

Министрлік мәліметінше, Польшада Өзбекстанның 800-ден астам азаматы елге жете алмай отыр.

"350 азамат Польшаның мемлекеттік шекарасындағы бекетке жиналды, ал 450 азамат Катовице әуежайында отыр", - делінген СІМ таратқан хабарламада.

Өзбекстан министрлігінің мәлімдеуінше, Киевтегі елшілік ұрыс жүріп жатқан Украинадағы өзбекстандықтарды эвакуациялап жатыр. Осы уақытқа дейін 1186 өзбек азаматы елге оралды.

XS
SM
MD
LG