Украина Фавқулодда вазиятлар вазирлиги етти кун ичида 2 000 га яқин украиналик рус қўшинлари отган ўқлардан ҳалок бўлганини маълум қилди.
Украина Омбудсманининг маълум қилишича, ҳалок бўлганларнинг 21 нафари вояга етмаганлар, бундан ташқари, 55 нафар бола жароҳатланган.
Россия Мудофаа вазирлиги Украина ҳудудига ҳарбий босқин бошланганидан бери биринчи марта ҳарбий хизматчиларнинг йўқотишлари ҳақидаги маълумотларни ошкор қилди. Агентлик маълумотларига кўра, 498 киши ҳалок бўлган, 1597 киши жароҳатланган.
Украина Мудофаа вазирлиги Россия можаро давомида олти мингга яқин одамини йўқотганини маълум қилди.