АҚШ президенти Жо Байден Қўшма Штатлар Россиядан газ, нефт ва кўмир импортига тақиқ жорий қилаётганини тасдиқлади.
Унинг сўзларига кўра, бу қадам америкаликлар Путин раҳбариятига яна бир кучли зарба берганини англатади.
"Биз Путин урушини субсидиялашда қатнашмаймиз", - дея қўшимча қилди Байден.
Газ нархи ошиши хавфига қарамай, бу қарор Американинг етакчи партиялари томонидан қўллаб-қувватланди.
Ушбу эълонни кутган ҳолда нефт нархи кўтарилди. Брент нефтининг нархи 5 фоиздан ошиб, баррелига 130 долларни ташкил қилди.
Европа Иттифоқи давлатлари Россия энергия ташувчиларини рад этиш эҳтимолини муҳокама қилмоқда, бироқ ҳозирча қарор қабул қилинмаган. Европа Иттифоқининг кўплаб давлатлари ёқилғи нархининг кескин ошиши ва унинг тақчиллигидан қўрқиб, бу чорага қарши.
Шу билан бирга, Еврокомиссия йил охиригача Россиядан газ истеъмолини тахминан учдан иккига қисқартириш ва Москвага ҳаддан ташқари қарамликдан халос бўлиш ниятида эканликларини эълон қилди.